भद्रपुर, ८ असोज / नेपाली कांग्रेसको १५ औँ महाधिवेशन अन्तर्गत भद्रपुर नगर समितिको सभापति पदमा बन्धु कार्की र सचिव पदमा राजु गिरी विजयी हुनुभएको छ। बुधबार सहमति नजुटे पछि नगर सभापति र सचिव पदका लागि विहीवार भएको निर्वाचन परिणाम अनुसार नगर सभापतिमा बन्धु कार्कीले १२१ मत प्राप्त गर्दै विजयी हुनु भयो भने उहाँका निकटतम् प्रतिस्पर्धी मदन बस्नेतले १०७ मत प्राप्त गर्नुभयो।
​निर्वाचन समितिका अनुसार सम्पन्न निर्वाचनमा जम्मा २३२ मत खसेको थियो। त्यसमध्ये चार मत बदर भएको थियो।
​ त्यस्तै, नगर सचिव पदमा विजयी हुनुभएका राजु गिरीले ११८ मत प्राप्त गर्नुभयो। उहाँका निकटतम प्रतिस्पर्धी टेक बहादुर पाण्डेले १०७ मत ल्याउनुभयो।
​यसअघि हिजै अन्य विभिन्न पदहरूमा भने पदाधिकारी तथा सदस्यहरू सर्वसम्मत रूपमा निर्वाचित भइसकेका थिए।
​सर्वसम्मत निर्वाचित हुनेहरूमा:नगर उपाध्यक्षद्वयमा मुना कन्दङबा र चिरञ्जीवी भट्टराई,सहसचिवमा मन्दिप राजवंशी हुनुहुन्छ।
त्यस्तै,सदस्यहरूमा धनकुमारी लोप्चन, संगीता शर्मा पाण्डे, धनकुमारी चेम्जोङ, बिमल राई, जयप्रकाश राजवंशी, विद्या प्रधान, मुकेश मित्रुका, करण तामाङ, नवीन गेलाल र प्रतीक शाह रौनियार बुधबार नै सर्वसम्मत निर्वाचित भइसक्नुभएको छ।
​सभापति र सचिव पदको निर्वाचन परिणाम आएसँगै नेपाली कांग्रेस भद्रपुर नगर समितिले पूर्णता पाएको छ । अब कांग्रेसको क्षेत्रीय समिति र केन्द्रीय महाधिवेशन प्रतिनिधिको निर्वाचन असोज १३ गतेभित्रमा सक्नेगरीको तयारी छ। भद्रपुरले असोज १० गते निर्वाचन गर्ने कार्यतालिका बनाएको बुझिएको छ।